२६४ किलो ८३७ ग्राम गाँजा सहित एक जना पक्राउ

धादिङ : धादिङको गजुरी गाउँपालिका वडा नं. ५ घाटबेशीबाट प्रहरीले लागू औषध गाँजा बरामद गरेको छ । पृथ्वी राजमार्गमा चेकजाँच गर्ने क्रममा बिहिवार दिउँसो २६४ किलो ८३७ ग्राम गाँजा बरामद गरेको हो ।

ट्रकमा लोड भएको बोरा र ट्रक बाहिर भुईमा लोड गर्न राखिएको बोराहरुमा रहेको सामान चेकजाँच गर्दा उक्त बोराहरु भित्र लागु औषध गाँजा फेला परेको प्रहरीले जानकारी दिए ।

ग १ ख ९६५४ नम्बरको ट्रक रोकी चेकजाँच गर्ने क्रममा गाँजा भेटिएको इलाका प्रहरी कार्यलय गजुरीले जानकारी दिए । सोही ट्रक नजिकै बा ३७ प ७९०७ नम्बरको मोटरसाईकल समेत फेला पारेको छ ।

गाँजासहित धादिङ गजुरी गाउँपालिका वडा नं. ७ पेटारे बस्ने ३६ बर्सिय बुद्दिमान तामाङलाई पक्राउ गरिएको छ ।