ऐँठनले जित्यो मदन पुरस्कार, टेकवीर मुखियालाई जगदम्बा–श्री

काठमाडौं । वर्ष २०७९ को मदन पुरस्कार ऐँठन उपन्यासका लागि विवेक ओझाले जितेका छन् ।

आज बसेको मदन पुरस्कार गुठीको बैठकले संवत् २०७९ को जगदम्बा–श्री टेकवीर मुखिया तथा मदन पुरस्कार ऐँठन उपन्यासका लागि विवेक ओझालाई अर्पण गर्ने निर्णय गरेको हो ।

२०७९ सालको मदन पुरस्कारका लागि उत्कृष्ट पाँचमा ‘ऐँठन’सँगै ‘इजोरिया’, ‘चक्रव्यूहमा नेपालको जलस्रोत’, ‘थाङ्ग्रा’ र ‘माटाको घर’ छानिएका थिए ।