सानिमा बैंकले गर्यो लाभांश घोषणा,९ प्रतिशत बोनश शेयर दिने

काठमाडौं । सानिमा बैंकले आर्थिक वर्ष २०७९/८० का लागि लाभांश घोषणा गरेको छ।

बैंक सञ्चालक समितिको बिहीबार दिउँसो बसेको बैठकले उक्त आर्थिक वर्षको मुनाफाबाट सेयरधनीहरुलाई चुक्तापुँजीको कुल १४.७० प्रतिशत लाभांश दिने निर्णय गरेको हो ।

“सेयरधनीहरुलाई ९ प्रतिशत बोनस र ५.७० प्रतिशत नगद लाभांश  करसहित वितरण गर्ने निर्णय भएको छ,” बैंकका सीईओ निश्चलराज पाण्डेले भने।

प्रस्तावित लाभांश नेपाल राष्ट्र बैंकबाट स्वीकृति भएपछि बैंकको आगामी वार्षिक साधारणसभाबाट पारित गरी सेयरधनीलाई वितरण गर्ने निर्णय बैंकले गरेको छ। यो सँगै लाभांश घोषणा गर्नेमा सानिमा बैक दाश्रो भएको छ ।